Auschwitz gizadiaren historiako sarraski zentro handiena izan zen.

Eta, hala ere, esparruan ateratako argazkietatik gaur arte iraun duen kopuru txikian oinarrituta sortua da Holokaustoaren sinbolo unibertsalari buruz dugun irudia.

Erretratu eta eszena horiek, gehienetan, SSetako kriminalek berek atera zituzten, eta Auschwitzen egindako krimenen froga argia dira. Baina, aldi berean, desafio handia dakarkiote ikusleari; izan ere, horretaz jabetu ez arren, argazkilariaren ikuspegitik behatzen dio historiari, «betaurreko» nazi batzuen bitartez.

Seeing Auschwitz erakusketak irudi horien analisi kritikoa egitera gonbidatzen gaitu, haietako bakoitzak egiaz zer erakusten duen aztertzeko: ez soilik tokiari eta uneari buruz, baizik eta baita egileei, erretratuko pertsonei eta guri buruz ere, ikusle gisa.